Стоилковиќ со честитка по повод Денот на албанската азбука

По повод Денот на албанската азбука упатувам искрени честитки до припадниците на албанската заедница. Овој ден е значаен потсетник на важноста од зачувување на јазичните и културните вредности и на придонесот што различностите го даваат за нашето општество.

РС Македонија и понатаму останува посветена на унапредувањето на заедничкиот живот и на меѓусебното почитување во повеќе етничката и повеќе јазична средина. Јазикот е темел на идентитетот и мост што нè поврзува во заедничката иднина.

Нека овој празник биде поттик за уште посилна соработка, почит и заемно разбирање. На сите припадници на албанската заедница им го честитам Денот на албанската азбука, порача вицепремиерот и министер Иван Стоилковиќ во честитката по повод 22 Ноември – Денот на албанската азбука.