На настанот одржан по повод одбележувањето на 18 Август – Денот на Армијата и 32-годишнината од нејзиното формирање присуствуваше и вицепремиерот и министер за односи меѓу заедниците Иван Стоилковиќ.
Централната свеченост се одржа во Центарот за обука на вода во Охрид, во присуство на највисокиот воен и државен врв.
„Ми беше чест да присуствувам на обележувањето на 32-годишнината од формирањето на АРМ свеченост на која се одржа и церемонија на примопредавање на должноста началник на генералштабот на Армијата од досегашниот началник на генералштабот, генерал-потполковник Васко Ѓурчиновски на новопоставениот началник на генералштабот, генерал-мајор Сашко Лафчиски“, рече по настанот вицепремиерот и министер за односи меѓу заедниците Стоилковиќ.