Во рамки на проектот „Заедно учиме – заедно создаваме“ во организација на Здружението на граѓани „Поддршка“ од Гевгелија, а поддржан од Министерството за односи меѓу заедниците, во СОУ „Гоце Делчев“ во Валандово беа реализирани дел од активностите насочени кон унапредување на меѓуетничката комуникација, прифаќање и заедништво меѓу учениците. Програмата опфати три клучни активности:
Спортски натпревар во одбојка
Организиран со мешани тимови од ученици од различни етнички заедници, натпреварот претставуваше пример за фер игра, тимска работа и создавање нови пријателства. Спортот се покажа како ефикасна алатка за градење доверба и почитување.
Креативна активност: „Мултиетнички мозаик“
Учениците заеднички изработуваа уметнички мозаик кој симболично го претставуваше единството во различноста. Делото пренесе силна порака за прифаќање, толеранција и креативна соработка.
Доделување награди од литературен конкурс
На свечена церемонија беа доделени награди за најуспешните творби на конкурсот на тема „Заедно учиме – заедно создаваме“. Преку литературата, учениците ги изразија своите ставови, вредности и визија за општество засновано на разбирање и соживот.
Настаните беа реализирани со активно учество на учениците, наставниците и стручните служби, а резултираа со унапредена социјална интеракција, зголемена креативност и позитивна училишна атмосфера.
